კომენტარი

სასტუმრო „ლეოგრანდში“ ხანძრის შედეგად დაშავებულთაგან კლინიკაში მხოლოდ ერთი პაციენტი რჩება

ბათუმში, სასტუმრო „ლეოგრანდში“ მომხდარი ხანძრის შედეგად დაშავებულთაგან სამკურნალო დაწესებულებაში მხოლოდ ერთი პაციენტი, 72 წლის ისრაელის მოქალაქე, რჩება.

ამის შესახებ „მედიანიუსს“ აჭარის ჯანდაცვის სამინისტროს პრესსამსახურში განუცხადეს.

ხანძრის შედეგად სულ 21 ადამიანს დასჭირდა ჰოსპიტალიზაცია, მათგან 8 დღესაც გადიოდა შესაბამის მკურნალობას.

პაციენტები ჯანდაცვის მინისტრმა დავით სერგეენკომ მოინახულა.

როგორც მან ჟურნალისტებს განუცხადა, დაშავებულებს სწორი მკურნალობა ჩაუტარდათ.

„აქ იყო კვამლით და CO-თი ინტოქსიკაცია. ასეთ შემთხვევაში არის თავისი მკურნალობის და მონიტორინგის სქემა, რომელიც სწორად იქნა ჩატარებული. ასეთ შემთხვევაში ძირითადად ხება ჟანგბადის მიწოდება და ჩანაცვლება, თუ მეთეოგლობინის მაღალი დონე არ არის. ამ შემთხვევაში არ იყო მაღალი და სპეციალური ანტიბიოტიკით მკურნალობა არ დასჭირდათ. მონიტორინგი, ჟანგბადის მიწოდება და სითხეების შევსება აღმოჩნდა საკმარისი, საბედნიეროდ, არ შემთხვევაში“,-განმარტა მინისტრმა.

მონიკა დავლიანიძე