კომენტარი

საშუალოდ და გრძელვადიანად ლარის კურსს არავითარი საფრთხე არ ემუქრება - არჩილ მესტვირიშვილი

ეროვნული ბანკის ვიცე-პრეზიდენტის, არჩილ მესტვირიშვილის თქმით, საშუალო და გრძელვადიან პერიოდში ლარის კურს არავითარი საფრთხე არ ემუქრება.

ამასთან, ვიცე-პრეზიდენტის თქმით, ეროვნულ ბანკს გააჩნია ინსტრუმენტები, რომელსაც ის გამოიყენებს, თუკი დაინახავს რომ ინფლაციას საფრთხე ემუქრება.

„რომ შევხედოთ კურსის ძირითად განმსაზღვრელ ფაქტორებს, რასაც ჩვენ ვეძახით ფუნდამენტურ ფაქტორებს, ყველაფერი პოზიტიურია, რაც იმას ნიშნავს, რომ საშუალოდ და გრძელვადიანად კურს არავითარი საფრთხე არ ემუქრება. მოკლევადიან პერიოდში არსებობს მოლოდინები, რომლებიც ზოგჯერ შეიძლება დასაბუთებული იყოს, ზოგჯერ დაუსაბუთებელი. ეს უკავშირდება კონკრეტული ბიზნეს სუბიექტების გადაწყვეტილებას, ფიზიკური პირების თუ კომპანიების, რომლებიც თავიანთი მოლოდინებიდან გამომდინარე იღებენ გადაწყვეტილებებს, რაც ბუნებრივია კურსზე გავლენას ახდენს. თუ ამას მოყვება აჟიოტაჟი, კურსის მერყეობაც, რა თქმა უნდა, უფრო მაღალი იქნება.

თუ ჩვენ დავინახავთ, რომ რაღაცა საფრთხე ექმნება მომავალში ინფლაციას, ამაზე სამოქმედოდ ყველანაირი ინსტრუმენტი გვაქვს და ჩვენ ამ ინსტრუმენტებს გამოვიყენებთ“,-განმარტა ეროვნული ბანკის ვიცე-პრეზიდენტმა.

მონიკა დავლიანიძე