მსოფლიო

სასამართლომ ჟერარ დეპარდიე სექსუალურ ძალადობაში დამნაშავედ ცნო

პარიზის სასამართლომ ცნობილი ფრანგი მსახიობი, ჟერარ დეპარდიე, 2021 წელს გადასაღებ მოედანზე ორი ქალის სექსუალურ ძალადობაში დამნაშავედ ცნო და მას 18 თვიანი პირობითი პატიმრობა მიუსაჯა. ეს გადაწყვეტილება მნიშვნელოვანი დარტყმაა ფრანგული კინოს ერთ-ერთი გამორჩეული ფიგურისთვის.

სასამართლო საქმე ერთ-ერთ ყველაზე გახმაურებულ #MeToo საქმეს წარმოადგენდა საფრანგეთში. დეპარდიე ბრალდებებს გამუდმებით უარყოფდა, ხოლო მისი ადვოკატის განცხადებით, მსახიობი განაჩენს გაასაჩივრებს.

მიუხედავად იმისა, რომ #MeToo მოძრაობამ საფრანგეთში ამერიკასთან შედარებით ნაკლები გავრცელება ჰპოვა, არსებობს ნიშნები, რომ სექსუალური ძალადობის მიმართ საზოგადოებრივი დამოკიდებულება იცვლება.

ერთი დაზარალებული, გადამღები მოედნის დეკორატორი ამელი კ., სასამართლოში აცხადებდა, რომ დეპარდიემ მას სხეულზე რამდენჯერმე დაუფარავად მოკიდა ხელი, ფეხებს შორის მოიმწყვდია და სექსუალური შინაარსის კომენტარებს აძლევდა.

სასამართლოს თავმჯდომარის თქმით, ორი მოწმე ადასტურებდა ამელი კ-ის მონათხრობს, მაშინ როდესაც თავად დეპარდიეს განმარტებები ურთიერთგამომრიცხავი იყო. მსახიობი სხდომას არ დასწრებია.

ბოლო წლებში დეპარდიეს მიმართ სექსუალური ძალადობის არაერთი ბრალდება გაჩნდა, რაც კინოწარმოების სფეროში ქალთა მიმართ დამოკიდებულების საკითხზე მედია და საზოგადოება განსაკუთრებულად დააფიქრა. მიუხედავად ამისა, მსახიობი ბრალდებებს კვლავ უარყოფს.

სასამართლოში გამოსვლისას დეპარდიემ განაცხადა, რომ არ მიაჩნია სხვისი დუნდულების შეხება სექსუალურ ძალადობად და რომ ზოგიერთ ქალი „ძალიან იოლად შოკდება“.