მსოფლიო

სასამართლომ დავით საყვარელიძეს აღკვეთის ღონისძიება არ შეუფარდა

ქალაქ ლვოვის გალიცკის რაიონულმა სასამართლომ პარტია „ახალი ძალების მოძრაობის“ წევრს, დავით საყვარელიძეს აღკვეთის ღონისძიება არ შეუფარდა.

ამის შესახებ დავით საყვარელიძე „ფეისბუქის“ პირად გვერდზე წერს.

მისი ვარაუდით, სასამართლოს ესმის, რომ ეჭვმიტანილობის შესახებ გადაცემული ოქმი, ისევე როგორც მთლიანად საქმე ფუჭია და არანაირი საფუძველი არ გააჩნია.

საყვარელიძის განცხადებით, ბრძოლა გრძელდება მანამდე, სანამ ყველა თანამებრძოლს არ გაათავისუფლებენ და პოლიტიკურ რეპრესიებს არ შეაჩერებენ.

„სასამართლომ დააკმაყოფილა ჩვენი შუამდგომლობა და აღკვეთის ღონისძიების გარეშე დამტოვა. ალბათ, სასამართლოს ესმის, რომ ჩემთვის გადაცემული ეჭვმიტანილობის შესახებ ოქმი, ისევე როგორც მთლიანად ეს საქმე, ფუჭია და არანაირი საფუძველი არ გააჩნია“, - წერს დავით საყვარელიძე.

გუშინ, ქალაქ ლვოვის გალიცკის რაიონული სასამართლო დავით საყვარელიძესთვის აღკვეთის ღონისძიების შერჩევაზე მსჯელობდა.საქმე ეხებოდა 10 სექტემბერს შეგინის გამშვებ პუნქტზე სახელმწიფო საზღვრის გარღვევის საქმეს.

ნინო ექვთიმიშვილი