კომენტარი

საქმეზე კვალიფიკაცია ნებისმიერ დროს შეიძლება შეიცვალოს - გიორგი მღებრიშვილი

შინაგან საქმეთა მინისტრი, გიორგი მღებრიშვილი არ გამორიცხავს, რომ მარნეულში მომხდარ ფაქტთან დაკავშირებით დაწყებულ გამოძიებაზე კვალიფიკაცია შეიცვალოს.

როგორც მღებრიშვილმა ჟურნალისტებს განუცხადა, ამ ეტაპზე ხდება ინფორმაციების მოძიება და მუდმივ რეჟიმში განახლება.

მისი თქმით, გამოძიების ფარგლებში მუშაობა სხვადასხვა ვერსიაზე მიმდინარეობს.

„ჩვენ ყველა ვერსიაზე ვმუშაობთ, როგორც ყოველთვის. მიმდინარეობს გამოძიება, გვაქვს გარკვეული ოპერატიული ინფორმაციები, ასე რომ უნდა დაველოდოთ ჩვენს თანამშრომლებს, რომლებიც ყოველწუთიერად ინფორმაციებს იღებენ და ამუშავებენ. საქმეზე კვალიფიკაცია ნებისმიერ დროს შეიძლება შეიცვალოს. კონკრეტულს ამ ეტაპზე ვერაფერს გეტყვით“, - აღნიშნა გიორგი მღებრიშვილმა.

ცნობისათვის, „ქართული ოცნების“ მარნეულის ოფისთან თავდასხმა გუშინ ღამით მოხდა. სოფელ ყიზილაჯლოში დაჭრილებს შორის “ქართული ოცნების" მაჟორიტარობის კანდიდატი ჯეიხუნ ჩოვდაროვი და საკრებულოს მოქმედი დეპუტატი არიან.

ნინო ექვთიმიშვილი