კომენტარი

საქართველოს სჭირდება ამერიკის ისეთი პრეზიდენტი, რომელიც რუსეთის მიმართ ხისტ და პრინციპულ პოზიციას გაატარებს- ნიკა ჩიტიძე

ქართველი ექსპერტები დონალდ ტრამპის გაპრეზიდენტებას არაერთგვაროვნად აფასებენ.

მათი ნაწილი მიიჩნევს, რომ ტრამპს სურს, ამერიკა უფრო ძლიერი გახადოს და ძლიერის პოზიციიდან შემდგომ, მოკავშირეების ინტერესები დაიცვას.

ექსპერტ ვასილ კაჭარავას აზრით, აქედან გამომდინარე, ქართულ-ამერიკულ ურთიერთობებში არაფერი არ შეიცვლება.

„ტრამპის რიტორიკა ზოგჯერ ცოტა იზოლაციონისტურად ჟღერდა ბევრისთვის, მაგრამ, ეს არის მხოლოდ რიტორიკა. მე მგონი, მას ერთი აზრი ჰქონდა, რომ ამერიკა კვლავ უნდა ფეხზე დადგეს, გაძლიერდეს. ისედაც ფეხზე იდგა, მაგრამ კიდევ უფრო გაძლიერდეს, როგორც ეს თავის დროზე რეიგანმა გააკეტა. შემდეგ უკვე ძლიერის პოზიციიდან დაიცვას თავისი ქვეყნის და თავისი მოკავშირეების ინტერესები. ასე რომ, მე მგონი, არაფერი ქართულ -ამერიკულ ურთიერთობაში არ შეიცვლება, თუ შეიცვლება ყველაფერი უკეთესებოსიკენ და გაღრმავებისკენ“,-აღნიშნა ექსპერტმა.

ექსპერტი ნიკა ჩიტიძე კი, მიიჩნევს, რომ საქართველოს სჭირდება ისეთი პრეზიდენტი , რომელიც რუსეთის მიმართებაში გაცილებით ხისტ პოლიტიკას გაატარებდა.

„საქართველოს სჭირდება ის პრეზიდენტი, რომელიც შედარებით ხისტ და პრინციპულ პოზიციას გაატარებს რუსეთის მიმართ და არ მისცემს საშუალებას რუსეთს, რომ მან გაზარდოს საკუთარი გეოპოლიტიკური გავლენები პოსტსაბჭოთა სივრცეში. ალბათ, შემთხვევითი არ არის, რომ რუსეთის პრეზიდენტი ღიად უჭერს მხარს დონალდ ტრამპს. რუსეთის გათვლა მდგომარეობს იმაში, რომ ტრამპის პრეზიდენტობის შემთხვევაში ამერიკა ვერ გაატარებს ისეთ საგარეო პოლიტიკას, როგორც კლინტონის შემთხვევაში“,-აღნიშნა ჩიტაძემ.

მონიკა დავლიანიძე