მსოფლიო
საქართველოს საგარეო უწყება იაპონიაში ტაიფუნის შედეგად გარდაცვლილებისა და მატერიალური ზარალის გამო მწუხარებას გამოხატავს
საქართველოს საგარეო საქმეთა სამინისტრო ღრმა მწუხარებას გამოხატავს იაპონიაში დამანგრეველი ტაიფუნ „ჰაგიბისის“ შედეგად ათეულობით ადამიანის გარდაცვალებისა და მნიშვნელოვანი მატერიალური ზარალის გამოწვევის გამო.
საქართველოს საგარეო საქმეთა სამინისტრომ იაპონიაში მომხდარ სტიქიურ უბედურებასთან დაკავშირებით განცხადება გაავრცელა.
„სამინისტრო თანადგომასა და გულწრფელ სამძიმარს უცხადებს სტიქიური უბედურების შედეგად დაღუპულთა ოჯახებს, ხოლო დაზარალებულებს სწრაფ გამოჯანმრთელებას უსურვებს“, – აღნიშნულია უწყების განცხადებაში.
იაპონიაში ტაიფუნ „ჰაგიბისის“ შედეგად დაღუპულთა რაოდენობა 67-მდე გაიზარდა. ამ დრომდე დაკარგულად მიიჩნევა 15 ადამიანი, 212-მა კი, სხეულის დაზიანება მიიღო. ძლიერი ტაიფუნი იაპონიაში 12-13 ოქტომბერს იყო. ქარის სიჩქარე წამში 40 მეტრს აღწევდა, სტიქიას თან ახლდა ძლიერი წვიმა, ტიბას პრეფექტურაში კი, ტაიფუნთან ერთად ტორნადოც წარმოიქმნა. ტაიფუნის გამო, ქვეყნის 47 მდინარეზე დამცავი კაშხლები დაზიანდა, 10 000 სახლი დაიტბორა და მეწყრული ზონები 100-ზე მეტ ადგილზე გააქტიურდა. ელექტროენერგიის გარეშე 34 000 ადამიანი დარჩა, სასმელი წყალი კი, 133 000 ოჯახს არ მიეწოდება.
საკვანძო სიტყვები:
ისრაელმა ირანში ფართომასშტაბიანი საჰაერო იერიში დაიწყო - „ბიბისი“
23 მარტი, 2026 , 10:42
სიონისტური რეჟიმისა და აშშ-ის გაჩაღებული ომის დასრულების ერთადერთი გზაა ირანის კანონიერი უფლებების აღიარება, რეპარაციების გადახდა და მომავალი აგრესიის წინააღმდეგ საერთაშორისო გარანტიები - მასუდ ფეზეშქიანი
12 მარტი, 2026 , 09:17
საჭიროების შემთხვევაში, აშშ-ს დამატებით შეუძლია, ირანის ინფრასტრუქტურა ერთ საათში გაანადგუროს - დონალდ ტრამპი
12 მარტი, 2026 , 09:09
ირანი ჰორმუზის სრუტეში ნავთობის ნაკადის შეჩერებას თუ შეეცდება, აშშ მას ოცჯერ უფრო ძლიერად დაარტყამს, ვიდრე აქამდე - დონალდ ტრამპი
10 მარტი, 2026 , 09:12
მსოფლიო ბაზარზე ბარელი ნავთობის ფასმა 100 აშშ დოლარს გადააჭარბა
9 მარტი, 2026 , 09:24
ირანის უზენაეს ლიდერად აიათოლა ალი ხამენეის ვაჟი მოჯთაბა აირჩიეს
9 მარტი, 2026 , 09:00


