კომენტარი

საქართველოს ხელისუფლებას თუ სჯერა, რომ პუტინი ჟენევის მოლაპარაკებებში ჩაერთვება, ეს ყველაზე უკეთეს შემთხვევაში გულუბრყვილო განცხადებაა - გიგა ბოკერია

„ევროპული საქართველოს“ ერთ-ერთი ლიდერი გიგა ბოკერია არაკომპეტენტურ უწოდებს რუსეთის ხელისუფლებისადმი საქართველოს პრემიერის მიმართვას, რომელსაც დღეს სერგეი ლავროვის უწყებამ განცხადებით უპასუხა.

ბოკერიას განცხადებით, საქართველოს ხელისუფლებას თუ სჯერა, რომ პუტინი ჟენევის მოლაპარაკებებში ჩაერთვება, ეს ყველაზე უკეთეს შემთხვევაში, გულუბრყვილო განცხადებაა.

„თქვენ ვინმე სერიოზულად იხილავთ, რომ პუტინი ჩავა ჟენევაში? უკეთეს შემთხვევაში ეს არის გულუბრყვილობა, არაკომპეტენტურობა და პოლიტიკურ ნების არ ქონა, რომ ჩვენი ქვეყნის ინტერესები და მოქალაქეები დაიცვან.

კონკრეტულ შედეგებს ვხედავთ, ორი საზარელი მკვლელობის შემდეგ მივედით იქამდე, რომ მხოლოდ ცხედრის დაბრუნებაზე საუბრობს საქართველოს მთავრობა და თან ჰგონია გულუბრყვილოდ, რომ ასეთი ჟესტებით რაიმე პოლიტიკურ შედეგს მიაღწევს რუსეთთან, ვგულისხმობ პოლიტიკის შეცვლას რუსეთის და ეუბნება, რომ პირდაპირ ურთიერთობაზე გადავალ ცხინვალთან და სოხუმთანო, ანუ პრაქტიკულად დავთანხმდებით იმას, რომ ეს არის ორი ეთნიკური კონფლიქტი,“-აცხადებს გიგა ბოკერია.