მსოფლიო

საქართველოს დაუცველობის მთავარ წყაროდ ისევ რუსეთის მიერ რეგიონის ოკუპაცია რჩება - აშშ-ის ნაციონალური დაზვერვის დირექტორის ანგარიში

აშშ-ის ნაციონალური დაზვერვის დირექტორის, დენ ქოუთსის ანგარიშში „აშშ-ის სადაზვერვო სამსახურების მიერ გლობალური საფრთხეების შეფასება“ საქართველოც არის ნახსენები.

დოკუმენტში ნათქვამია, რომ 2018 წელს საქართველოს მთავარ საფრთხედ ისევ რუსეთის მხრიდან რეგიონის ოკუპაცია რჩება, რაც აფერხებს მის დასავლეთთან ინტეგრაციას.

გარდა ამისა, ანგარიშში ნათქვამია, რომ „ქართული ოცნება“ ცდილობს, ჩიხში მოაქციოს ოპოზიცია.

„რუსეთი აგრძელებს საქართველოს ტერიტორიის 20%-ის ოკუპაციას და ცდილობს, შეაფერხოს მისი დასავლეთთან ინტეგრაცია, რაც რჩება თბილისის დაუცველობის მთავარ წყაროდ.

მმართველი პარტია „ქართული ოცნება“ ცდილობს, კუთხეში მოაქციოს ოპოზიცია და შეამციროს მისი ძალის ინსტიტუციური შეზღუდვები“, - წერია ანგარიშში.

ანა მებურიშვილი