კომენტარი

საქართველომ ჭამა სირცხვილი, რომელიც არ უჭამია არცერთ ევროპულ სახელმწიფოს აზერბაიჯანის შემდეგ - ზაზა ხატიაშვილი

საქართველომ ჭამა სირცხვილი, რომელიც არცერთ ევროპულ სახელმწიფოს არ უჭამია აზერბაიჯანის შემდეგ, - ასე გამოეხმაურა საქართველოს ადვოკატთა ასოციაციის თავმჯდომარე, ზაზა ხატიაშვილი სტრასბურგში საქართველოს მიერ წარდგენილი მოსამართლეობის კანდიდატურების დაბლოკვას ევროსაბჭოს მიერ.

ზაზა ხატიაშვილის თქმით, საქართველოს მიერ შერჩეულ კანდიდატურებს ის მუდმივად აპროტესტებდა, რის გამოც მან აქციები სტრასბურგშიც გამართა.

,,მე ვიყავი კომისიის წევრი და ვამბობდი, რომ მორალური კრიტერიუმებით არ შესაბამებოდა მოსამართლის მაღალ სტანდარტებს ის ხალხი, ვინც წარადგინა საქართველოს ხელისუფლებამ. განსაკუთრებული პრეტენზია მქონდა ევა გოცირიძეზე. ეს მერე მე გავასაჩივრე. წავედი, ჩავატარე აქციები. დავჯექი ევროსაბჭოს მისაღებში მათი სურათებით, რომ არ დაენიშნათ.

ევროსასამართლოს წინ ჩავატარე აქცია და ოქტომბერში ვთქვი, რომ სია დაიბლოკა. თუმცა ქალბატონმა წულუკიანმა, როგორც იცის ხოლმე, მოიტყუა ოქტომბერში და თქვა, რომ სია არ დაიბლოკა და თურმე გადაუდეს.

საქართველომ ჭამა სირცხვილი, რომელიც არ უჭამია არცერთ ევროპულ სახელმწიფოს აზერბაიჯანის შემდეგ’’, - განაცხადა ზაზა ხატიაშვილმა.

ნინო ექვთიმიშვილი