კომენტარი

საქართველო-ნატოს მორიგი სწავლება რეგიონისა და მსოფლიოსთვის საშიშროებას წარმოადგენს - რუსეთის საგარეო უწყება

რუსეთის საგარეო საქმეთა სამინისტრო, საქართველოში ნატოს სწავლებას გამოეხმაურა.

როგორც რუსეთის საგარეო უწყების ოფიციალურ ვებ-გვერდზე განთავსებულ განცხადებაშია ნათქვამი, საქართველო-ნატოს მორიგი სწავლება, რეგიონსა და მსოფლიოსთვის საშიშროებას წარმოადგენს.

„ყურადღება მივაქციეთ ნატო-საქართველოს მორიგ სამხედრო მანევრებს, რომელშიც 13 ქვეყნის 250-ზე მეტი სამხედრომოსამსახურე მონაწილეობს. მიმდინარე წელს, ეს უკვე მესამე მრავალეროვნული სწავლებაა საქართველოს ტერიტორიაზე მაისში ჩატარებული Noble Partner-სა და სექტემბერში გამართულ Agile Spirit-ის შემდეგ. მიმდინარეობს საქართველოს შეიარაღებული ძალების მასშტაბებისა და ოპერატიული მზადყოფნის ინტენსივობის ზრდა ნატოს სტანდარტების შესაბამისად“,-ნათქვამია განცხადებაში.

საგარეო უწყებაში აღნიშნავენ, რომ „რუსეთი ამგვარ აქტივობაში რეგიონსა და მსოფლიოს სტაბილურობისთვის სერიოზულ საშიშიროებას ხედავს“.

„საკუთარ შეშფოთებაზე საქართველოს მეზობლებმა აფხაზეთმა და სამხრეთ ოსეთმა არაერთხელ განაცხადეს. ყველას გვახსოვს, რომ ნატოს წევრობის მესიჯებმა, რომელიც ბუქარესტის სამიტზე გაჟღერდა, თბილისს 2008 წლის აგვისტოში, ცხინვალში რუსი მშვიდობისმყოფელებსა მშვიდობიან მოსახლოებაზე თავდასხმისკენ უბიძგა. ნატოში არ მალავენ, რომ თბილისთან ამჟამინდელი სამხედრო პარტნიორობა „რუსეთის შეკავების“ პოლიტიკის ნაწილად განიხილება. როლი, რომელსაც საქართველო იღებს ამ კონტექსტში, რუსეთ-საქართველოს ურთიერთობების გაჯანსაღების პოზიტიურ პროცესს ართულებს“,-აღნიშნულია განცხადებაში.

მონიკა დავლიანიძე