კომენტარი

საპოლიციო კონტროლი მნიშვნელოვანი და დროული ღონისძიებაა - სოფიო კილაძე

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის, სოფიო კილაძის განცხადებით, თბილისსა და რეგიონებში შსს-ს მიერ დაწყებული საპოლიცოლ კონტროლი დროული და მნიშვნელოვანი ღონისძიებაა.

ამის შესახებ კილაძემ საკითხის კომენტირებისას განაცხადა.

მისი თქმით, აღნიშნული კონტროლი რაიმე სახის დანაშაულის ჩადენის პრევენციას უკავშირდება.

„დროული იყო ეს პრევენციული ღონისძიებები. ვიცით, რომ სხვადსხვა გარკვეულ დანაშაულებებს ქონდა ადგილი, მათ შორის, მაგალითად, ძალიან გახმაურებული დიდი ტრაგედია, რაც ბავშვებს უკავშირდებოდა და სხვადასხვა საკითხები. პოლიციას აქვს პრევენციული დანიშნულება და მანამ სანამ რაიმე ცუდი შედეგი დადგება, მანამდე უნდა ჩაერთოს პოლიცია. მე მგონია, რომ ეს სპეციალური საპოლიციო კონტროლის ღონისძიება, რომელიც გუშინ შინაგან საქმეთა სამინისტრომ დაანონსა, მნიშვნელოვანი და დროული არის“,-აღნიშნა დეპუტატმა.

მონიკა დავლიანიძე