კომენტარი

სამუშაო ჯგუფის შექმნის პირდაპირი ვალდებულება პარლამენტს აქვს, და არა პრეზიდენტს - მანანა კობახიძე

პარლამენტის ვიცე-სპიკერის მანანა კობახიძის განცხადებით, საკონსტიტუციო ცვლილებებზე მომუშავე ჯგუფში ყველა შესაბამისი სეგმენტი იქნება ჩართული.

ამის შესახებ კობახიძემ შესაბამისი საკითხის კომენტირებისას განაცხადა.

„ყველა შესაბამისი სეგმენტი იქნება წარმოდგენილი, იმისთვის, რომ ჩვენ მივიღოთ თანხმობით საკონსტიტუციო ცვლილებები, რომლის ბერკეტი ექნება ნამდვილად „ქართულ ოცნებას“,-განაცხადა კობახიძემ.

რაც შეეხება პრეზიდენტის მზაობას შექმნას სამუშაო ჯგუფი, კობახიძემ აღნიშნა, რომ რამდენად იქნება პრეზიდენტის მხრიდან ეს ეფექტური, უცნობია.

„შესაძლებელია პრეზიდენტს ჰქონდეს ასეთი ჯგუფის შექმნის სურვილი და შეიძლება შექმნას კიდეც, მაგრამ მეორეა, რამდენად იქნება ეს ფორმალიზებული და რამდენად იქნება ეფექტური პრეზიდენტის მხრიდან შექმნილი ჯგუფის საქმიანობა, მაშინ როდესაც პირდაპირი ამისი ვალდებულება აქვს სწორედ პარლამენტს“,-აღნიშნა კობახიძემ.

შეგახსენებთ, რომ პრემიერის ინიციატივას, რომ შეიქმნას საკონსტიტუციო ცვლილებებზე მომუშავე ჯგუფი, პრეზიდენტის სახელით გიორგი აბაშიშვილი გამოეხმაურა.

მისი თქმით, პრეზიდენტი მიესალმება პრემიერ-მინისტრის ინიციატივას და მზად არის კონსტიტუციაში შესატანი ცვლილებების მოსამზადებლად დააფუძნოს სამუშაო ჯგუფი.

მონიკა დავლიანიძე