კომენტარი

სამხედრო ტექნიკა, რომელსაც აშშ საქართველოს მიყიდის, რეგიონში სამხედრო ბალანსს ვერ შეცვლის, თუმცა საქართველოსთვის მნიშნელოვანია - გიორგი რუხაძე

ექსპერტი გიორგი რუხაძე მიიჩნევს, რომ „ჯაველინის“ ტიპის სარაკეტო დანადგარები, რომელსაც ამერიკა საქართველოს მიყიდის, რეგიონში არსებულ სამხედრო ბალანსს ვერ შეცვლის.

ამასთანავე, რუხაძის თქმით, საქართველოსთვის ანტისარაკეტო ძალების გაძლიერება მნიშნელოვანია.
ექსპერტი ასევე ხაზს უსვამს თავდაცვის სამინისტროს დაფინანსების გაზრდას, რომ მომავალშიც მოხდეს სხვა ტიპის შეიარაღების შეძენა.

შეერთებულმა შტატებმა საქართველოსთვის „ჯაველინის“ ტიპის სარაკეტო სისტემებისა და დანადგარების მიყიდვა გადაწყვიტა. საუბარია 410 რაკეტაზე, 72 დანადგარსა და სასწავლო მოდელებზე, რომელთა საერთო ღირებულება 75 მილიონი დოლარია.

„ბუნებრივია ეს სამხედრო ტექნიკა რეგიონში დიდ რევოლუციას ვერ გამოიწვევს და სამხედრო ბალანსს ვერ შეცვლის, თუმცა საქართველოსთვის ძალიან საჭიროა ანტისატანკო დაცვის გაძლიერება. ყველაზე მთავარი მიანც ის არის რომ ეს იყოს დასაწყვისი, რომ ამის მერე სხვა უფრო მნიშვნელოვანი ტექნიკის შეძენაზე წავიდეს საუბარი.

თუმცა, ასევე უნდა ითქვას, რომ ეს იაფი არ არის 75 მილიონი. საქართველომ უნდა იფიქროს თავდაცვის ბიუჯეტის გაზრდაზეც, იმიტომ რომ ეს ფული ხომ საიდანღაც უნდა მოვიდეს. აქ არის კიდევ მნიშნელოვანი ის, რომ იყოს მზაობა პრემიერ-მინისტრის მხრიდან, ზოგადად ხელისუფლების მხრიდან, რომ თავდაცვას დასჭიდრება მეტი ფული“,-განმარტა რუხაძემ.

მონიკა დავლიანიძე