კომენტარი

სამინისტროში ოპტიმიზაცია მე რომ მოვედი, იმ მომენტიდან დაიწყო და მუდმივად გაგრძელდება - ალექსანდრე ჯეჯელავა

განათლებისა და მეცნიერების მინისტრის, ალექსანდრე ჯეჯელავას განცხადებით, სამინისტროში მისი მოსვლის მომენტიდან დაიწყო თანამშრომლების ოპტიმიზაცია.

როგორც ჯეჯელავამ მედიას განუცხადა, ეს პროცესი მუდმივად გაგრძელდება, რადგან ზოგიერთი მიმართულებით სამინისტრო უნდა გაძლიერდეს, ადამიანური რესურსის ზედმეტობა კი უნდა შემცირდეს.

„ჩვენ ყოველთვის უნდა გავძლიერდეთ ზოგიერთი მიმართულებით , რომელიც უფრო სტრატეგიული იქნება და სადაც ზედმეტობა გვექნება, უნდა შევამციროთ. იმიტომ, რომ ბიუჯეტის სახსრების ეფექტური ხარჯვა არის ჩვენი ძალიან ცენტრალური ამოცანა“,-აღნიშნა მინისტრმა.

მონიკა დავლიანიძე