კომენტარი

საკრებულო მაქსიმალურად იქნება ჩართული „ბავშთა სამყაროს“ მოვაჭრეების დახმარების საკითხში - გიორგი ალიბეგაშვილი

თბილისის საკრებულოს თავმჯდომარის, გიორგი ალიბეგაშვილის განცხადებით, საკრებულო მაქსიმალურად იქნება ჩართული „ბავშთა სამყაროს“ მოვაჭრეების დახმარების საკითხში, იმ შესაძლელობების ფარგლებში, რაც ექნებათ.

ამის შესახებ ალიბეგაშვილმა მედიას, დაზარალებულებთან გამართული შეხვედრის შედეგ განუცხადა.

„საკრებულო ვიღებთ პასუხისმგებლობას, რომ ყველა სტრუქტურასთან გავარკვიოთ ის შესაძლებლობები, თუ რითი შეგვიძლია ჩვენ მათი დახმარება. აქედან გამომდინარე, ბუნებრივია, ჩვენ ამ პროცესებში ჩართულები ვიქნებით და მაქსიმალურად შევეცდებით დავეხმაროთ ჩვენი მხრიდან, რაც არის ჩვენზე დამოკიდებული“,-აღნიშნა ალიბეგაშვილმა.

შეხვედრიდან გამოსულმა მოვაჭრეებმა განაცხადეს, რომ მომდევნო კვირას საკრებულოში სხდომა გაიმართება, რომელზეც მათი საკითხი იქნება გატანილი.

იქამდე, კი, დაზარალებულების თქმით, ისინი საკრებულოს შენობასთან მჯდომარე აქციის გამართვას განაგრძობენ.

დღეს, საკრებულოს თავმჯდომარესთან შეხვედრას წინ მოვაჭრეებისა და სამართალდამცველების დაპირისპირება მოყვა.

„ბავშთა სამყაროს“ დაზარალებულებს საკრებულოსთან კარვების გაშლა უნდოდათ, თუმცა პოლიცია მათ ამის საშუალებას არ აძლევდა.

მონიკა დავლიანიძე