კომენტარი

საკონსტიტუციო კომისიის მუშაობის მიზანია, რაც შეიძლება კომფორტულად მოარგოს კონსტიტუცია ბიძინა ივანიშვილს - ნინო ბურჯანაძე

საკონსტიტუციო კომისიის მუშაობის მიზანია, რაც შეიძლება კომფორტულად მოარგოს კონსტიტუცია ბიძინა ივანიშვილს, - ასე შეაფასა ,,დემოკრატიული მოძრაობის’’ ლიდერმა, ნინო ბურჯანაძემ საკონსტიტუციო კომისიაში განვითარებული მოვლენები.

„მე ნამდვილად არ ვთლი, რომ დღეს ხელისუფლებაში უნდა ვაკრიტიკო კვირიკაშივილი, კობახიძე ან ნებისმიერი მინისტრი, იმიტომ რომ აბსულუტურად ყველა მათგანის ნებისმიერი ნაბიჯი დამოკიდებულია ბიძინა ივანიშვილის ხასიათზე“ - განაცხადა ნინო ბურჯანაძემ.

მისი თქმით, აშკარად იკვეთება მცდელობა იმისა, რომ აბსოლუტურად ყველა სახელისუფლებო შტო გაკონტროლდეს ბიძინა ივანიშვილის მიერ, ამ გზაზე ბოლო ბასტიონი კი ხალხის მიერ არჩეული და ლეგიტიმაციის მაღალი დონის მფლობელი საპრეზიდენტო ინსტიტუტია. სწორედ ამიტომ ბიძინა ივანიშვილის გადაწყვეტილებით ხდება ამ ინსტიტუტის მოსპობაც, რათა პრეზიდენტიც სხვა სახელისუფლებო რგოლების მსგავსად ერთი კაცის ჯიბეში აღმოჩნდეს.

ნინო ბურჯანაძემ ასევე კომენტარი გააკეთა პარლამენტის თავმჯდომარის მიერ გახმოვანებულ საპრეზიდენტო თვისებებზე.

„ვერ დავეთანხმები ირაკლი კობახიძეს, რადგან ქარიზმატულობა და აკადემიურობა ერთმანეთს არ გამორიცხავს. დიახ, საქართველოს პრეზიდენტი უნდა იყოს ქარიზმატულიც, აკადემიურიც, გამბედავიც და უპირველეს ყოვლისა ძალიან კომპეტენტური, რომ შეძლოს უმნიშვნელოვანეს პრობლემებზე მუშაობის დაწყება, როგორც ქვეყნის შიგნით ასევე მის ფარგლებს გარეთაც, აუცილებელია პრეზიდენტმა შეძლოს მოლაპარაკებების წარმართვა სხვადასხვა მიმართულებით, რათა ქვეყანა გამოვიდეს იმ ჩიხიდან, რომელშიც დღეს აღმოვჩნდით,“ - განაცხადა ნინო ბურჯანაძემ.

ნინო ექვთიმიშვილი