კომენტარი

სახალხო დამცველი არ ხუჭავს თვალს სერიოზულ და სისტემურ დარღვევებზე, მათ შორის იმ მიმართულებით, რომელსაც ქალბატონი წარმოადგნეს - უჩა ნანუაშვილი

სახალხო დამცველი თეა წულუკიანის მიერ მისი მისამართით დღეს გაკეთებულ განცხადებას გამოეხმაურა.

იუსტიციის მინისტრმა უჩა ნანუაშვილს საქართველოს ისტორიაში ყველაზე უსამართლო ომბუდსმენი უწოდა.

უჩა ნანუაშვილის თქმით, მსგავსი განცხადებები თავად ხელისუფლებას აზარალებს, მათ შორის საერთაშორისო საზოგადოების თვალში.

სახალხო დამცველი ფიქრობს, რომ იუსტიციის მინისტრის განცხადება უკავშირდება იმას, რომ ომბუდსმენი არ ხუჭავს თვალს დარღვევებზე, რომელიც არსებობს, მათ შორის იუსტიციის სამინისტროს მიმართულებით.

„მსგავსი განცხადებები და მისი ეს განცხადება, პირველ რიგში, აზიანებს საქართველოს ხელისუფლებას და ამ ხელისუფლების იმიჯს, მათ შორის, საერთაშრისო საზოგადოების თვალში. ეს, ალბათ უკავშირდება იმ კონკრეტულ დარღვევებს, რომელზეც სახალხო დამცველი წლების განმავლობაში ამახვილებს ყურადღებას, რომ სახალხო დამცველი არ ხუჭავს თვალს სერიოზულ და სისტემურ დარღვევებზე, მათ შორის იმ მიმართულებით, რომელსაც ქალბატონი წარმოადგნეს“,-აღნიშნა ომბუდსმენმა.

მონიკა დავლიანიძე