კომენტარი

საგზაო მოძრაობის უსაფრთხოების თვალსაზრისით, ბოლო წლების განმავლობაში ძალიან ბევრი პროექტი გავაკეთეთ - დავით ნარმანია

თბილისის მერის დავით ნარმანიას თქმით, საგზაო უსაფრთხოების კუთხით, ბოლო წლების გამავლობაში ბევრი პროექტი განხორციელდა.

ამის შესახებ ნარმანიამ საგზაო უსაფრთხოების საკითხზე საერთაშორისო კონფერენციის ფარგლებში მედიას განუცხადა.

„საგზაო მოძრაობის უსაფრთხოების თვალსაზრისით, ჩვენ, ბოლო წლების განმავლობაში ძალიან ბევრი პროექტი გავაკეთეთ. აუცილებლად უნდა აღინიშნოს ის ინფრასტრუქტურული პროექტები, რომლებიც ფუნდამენტურად საგზაო საფარის მოწესრიგებას ისახავდა მიზანად. ასევე მარეგულირებელი ნაწილი, როგორიც არის შუქნიშნები, როგორიც არის დახაზვასთან დაკავშირებული საკითხები, სიჩქარის შემზღუდავი ბარიერები და სხვა ისეთი რამ, რომელიც ძალიან ბევრ უბანს შვებას აძლევს“,-აღნიშნა ნარმანიამ.

საგზაო უსაფრთხოების საკითხზე საერთაშორისო კონფერენციაზე პოლონეთისა და შვეიცარიის გამოცდილებას განიხილავენ და საქართველოსთვის რეკომენდაციებს შეიმუშავებენ.

საუბარია კანონმდებლობაში შესატან ცვლილებებზე, ავტოსაგზაო შემთხვევების შემცირებასა და ტექდათვალიერების შემოღებაზე.

კონფერენციაში მონაწილეობას ღებულობენ შინაგან საქმეთა და გარემოს დაცვის სამინისტროების წარმომადგენლები, თბილისის მოქმედი და არჩეული მერები.

მონიკა დავლიანიძე