მსოფლიო

საფრანგეთის საპრეზიდენტო არჩევნების მეორე ტურში ემანუელ მაკრონი და მარინ ლე პენი გავიდნენ

საფრანგეთში გამართული საპრეზიდენტო არჩევნების პირველი ტურის შედეგად, გამარჯვება ცენტრისტმა მოძრაობა „წინ“-ის ლიდერმა ემანუელ მაკრონმა და „ეროვნული ფრონტის“ ლიდერმა მარინ ლე პენმა მოიპოვეს.

მაკრონს ხმა მოსახლეობაის 23,75%-მა მისცა, ხოლო ლე პენს 21, 53%-მა.

„რესპუბლიკური“ პარტიის წარმომადგენელმა ფრანსუა ფიონმა ხმათა 19,91% მოიპოვა, მოძრაობა „დაუმორჩილებელი საფრანგეთის“ ლიდერმა ჟან-ლუკ მელანშონმა კი, 19,64%.

არჩევნებში სულ 11 კანდიდატი მონაწილეობდა, თუმცა მათგან ფავორიტად მხოლოდ 4 კანდიდატი მიიჩნეოდა.

საპრეზიდენტო არჩევნების მეორე ტური 7 მაისს გაიმართება.

თითქმის ყველა დამარცხებულმა პრეზიდენტობის კანდიდატმა, მომხრეებს მოუწოდა, რომ 7 მაისს ხმა ემანუელ მაკრონის სასარგებლოდ მისცენ.

გვიან ღამით, მოქმედმა პრეზიდენტმა ფრანსუა ოლანდმა, ემანუელ მაკრონს მეორე ტურში გადასვლა მიულოცა.

საერთაშორისო არენაზე კი, მაკრონს მხარი გერმანიის კანცლერის პრეს-მდივანმა და ევროკომისიის თავმჯდომარემ ჟან-კლოდ იუნკერმა დაუჭირეს.

მონიკა დავალიანიძე