მსოფლიო

საფრანგეთის პრეზიდენტი ემანუელ მაკრონი გახდა

საფრანგეთში გამართული საპრეზიდენტო არჩევნების მეორე ტურის შედეგად გამარჯვება ემანუელ მაკრონმა მოიპოვა.

საფრანგეთიოს ცესკომ საარჩევნო ოქმების 99,9% შეჯამების შედეგად, ცენტრისტმა ემანუელ მაკრონმა ხმათა 66,06% მოიპოვა, ხოლო მისმა მეტოქემ, „ეროვნული ფრონტის“ ლიდერმა მარინ ლე პენმა - 33,94%.

ქვეყნის შინაგან საქმეთა სამინისტრომ ემანუელ მაკრონი გამარჯვებულად ოფიციალურად გამოაცხადა.

შეგახსენებთ, რომ საფრანგეთში საპრეზიდენტო არჩევნების პირველი ტური 23 აპრილს გაიმართა.

მასში სულ 11 კანდიდატი მონაწილეობდა, თუმცა მათგან ფავორიტად მხოლოდ 4 კანდიდატი მიიჩნეოდა: მოძრაობა „წინ“-ის ლიდერი ემანუელ მაკრონი, „ეროვნული ფრონტის“ ლიდერი მარინ ლე პენი, „რესპუბლიკური პარტიის“ წარმომადგენელი ფრანსუა ფიონი და მოძრაობა „დაუმორჩილებელი საფრანგეთის“ ლიდერი ჟან-ლუკ მელანშონი.

პირველი ტურის შედეგად ემანულ მაკრონმა ხმათა 23,75% მოიპოვა, ხოლო მარინ ლე პენმა 21, 53%, შესაბამისად, სწორედ ეს ორი კანდიდატი გავიდა არჩევნების მეორე ტურში.

მონიკა დავლიანიძე