მსოფლიო

საბერძნეთში ხანძრის შედეგად სულ მცირე, 50 ადამიანი დაიღუპა, 100-ზე მეტი კი დაშავდა

საბერძნეთში, ათენთან ახლოს ტყის ხანძრის შედეგად სულ მცირე 50 ადამიანი დაიღუპა, სულ მცირე, 104 ადამიანი დაშავდა, აქედან 11-ის მდგომარეობა მძიმეა. დაშავებულთა შორის 16 ბავშვია.

მანამდე ვრცელდებოდა ინფორმაცია 24 დაღუპულის შესახებ.

წითელი ჯვრის ინფორმაციით, 26 ცხედარი აღმოაჩინეს ზღვისპირა სოფელ მატისთან, რომელიც კატასტროფის ცენტრში მდებარეობს.

საგამოძიებო-სამაშველო ოპერაციის ფარგლებში ეძებენ 10 ტურისტს, რომლებიც ნავით ხანძარს გამოექცნენ.

სამაშველო ჯგუფები ნავებითა და თვითმფრინავებით ცდილობენ, სანაპიროდან ხალხის ევაკუირებას. გარდა ამისა, საბერძნეთის ხელისუფლება საერთაშორისო დახმარებას ითხოვს, რომელსაც უკვე გამოეხმაურნენ გერმანია, იტალია, პოლონეთი და საფრანგეთი - მათ საბერძნეთში გაგზავნეს დამატებითი თვითმფრინავები, სატრანსპორტო საშუალებებისა და მეხანძრეები.

100-ობით მეხანძრე ებრძვის ცეცხლის კერებს, ხოლო რამდენიმე ადამიანმა ათენთან ახლოს მდებარე სახლები დატოვა.

ქვეყნის პრემიერ-მინისტრის, ალექსის ციპრასის თქმით, „ჩვენ გავაკეთებთ ყველაფერს, რაც შესაძლებელია ამის გასაკონტროლებლად“.

ციპრასმა შეწყვიტა ოფიციალური ვიზიტი ბოსნიაში ხანძრის გამო. მეხანძრეების თქმით, სიტუაცია „განსაკუთრებით მძიმეა“.

ეს ყველაზე სახიფათო ტყის ხანძარია საბერძნეთში 2007 წლის შემდეგ, როცა პელოპონესის ნახევარკუნძულზე ათობით ადამიანი დაიღუპა.