კომენტარი

საბავშვო ბაღების თანამშრომლები მონაწილეობენ საარჩევნო კამპანიაში როგორც აქტივისტები და ასეთი ერთეული შემთხვევებია - ირაკლი კობახიძე

პარლამენტის თავმჯდომარის, ირაკლი კობახიძის ინფორმაციით, საბავშვო ბაღების თანამშრომლების საარჩევნო კამპანიაში ჩართვის მხოლოდ ერთეული შემთხვევები ფიქსირდება.

როგორც კობახიძემ აღნიშნა, საბავშვო ბაღების საკითხი NDI-ის სადამკვირვებლო მისიის წარმომადგენლებთან შეხვედრაზე პირადად მან წამოჭრა და იმაზე ისაუბრა, თუ როგორ არის გამიჯნული ერთმანეთისგან პარტიული და ადმინისტრაციული რესურსები.

"ჩვენ განვმარტეთ ადმინისტრაციულ რესურსებთან დაკავშირებულო საკითხები, კერძოდ, ის რა ფარგლებში მონაწილეობენ ჩვენი აქტივისტები საარჩევნო კამპანიაში და ის თუ როგორ არის ერთმანეთისგან გამიჯნული ადმინისტრაციული და პარტიული რესურსი. მე პირადად წამოვწიე საბავშვო ბაღების საკითხი და განვმარტე, რომ საბავშვო ბაღების თანამშრომლები მონაწილეობენ საარჩევნო კამპანიაში როგორც აქტივისტები და ასეთი ერთეული შემთხვევებია. საბავშვო ბაღებში არ ხდება და არც სხვა სტრუქტურებში ადმინისტრაციული რესურსის გამოყენება.

საჯარო სამსახურის წარმომადგენლები მონაწილეობენ საარჩევნო კამპანიაში, თუმცა ეს ხდება არასამუშაო საათებში და არა სამსახურებრივი უფლებამოსილების გამოყენებით", - განაცხადა ირაკლი კობახიძემ.