კომენტარი

სააკაშვილი უნდა დაბრუნდეს საქართველოში და ამომრჩეველმა უნდა გადაწყვიტოს მისი მომავალი - სერგო რატიანი

მთავარია, პოლიტიკური დევნა არ იყოს სააკაშვილის მიმართ და ბუნებრივია, ის უნდა დაბრუნდეს საქართველოში, – განუცხადა ჟურნალისტებს „ევროპული საქართველოს“ წევრმა სერგო რატიანმა.

„რეჟიმები, რომლებიც ახორციელებენ პოლიტიკურ დევნას, პოლიტიკურ პატიმრობას და ძალადობას ოპონენტების მიმართ, განწირულები არიან დამარცხებისთვის და ფაქტობრივად, როგორც ყოველთვის გამოჩნდებიან ადამიანები, რომლებიც არ ასრულებენ უკანონო ბრძანებებს. გუშინ ვნახეთ მოსამართლე, რომელმაც მიიღო სრულიად განსხვავებული გადაწყვეტილება. ასეთი რეჟიმები მარცხდებიან. როგორც უკრაინაში, ისე საქართველოში მათ ეწევათ ასეთი ბედი. მთავარია, პოლიტიკური დევნა არ უნდა იყოს სააკაშვილის მიმართ და ბუნებრივია, ის უნდა დაბრუნდეს საქართველოში და ამომრჩეველმა უნდა გადაწყვიტოს სააკაშვილის მომავალი“, - განაცხადა სერგო რატიანმა.

ნინო ექვთიმიშვილი