კომენტარი

სააკაშვილი პოლიტიკურად ჩვენს ქვეყანაში აქტუალური აღარ არის - ირაკლი კობახიძე

საქართველოს პარლამენტის თავმჯდომარის ირაკლი კობახიძის შეფასებით, ყოფილი პრეზიდენტი მიხეილ სააკაშვილი საქართველოს პოლიტიკურად აქტუალური აღარ არის.

სააკაშვილის სავარაუდო ექსტრადირებაზე საუბარისას კობახიძემ აღნიშნა, რომ საკითხი
სამართლებრივ ჭრილში უნდა გადაწყდეს.

„ჩვენ რამდენჯერმე ადრეც გავაკეთეთ განცხადება მიხეილ სააკაშვილთან დაკავშირებით, ვთქვით, რომ მადლობა ღმერთს, პოლიტიკურად ის აღარ არის აქტუალური ჩვენს ქვეყანაში, დანარჩენი არის სამართლებრივი პროცედურების და სამართლის ნორმების საქმე. ეს არის ურყევი პოზიცია.

ამ შემთხვევაში ყველაფერს შესაბამისი უწყებები გადაწყვეტენ, ჩართული იქნებიან ქართული უწყებები ამ საკითხის გადაწყვეტაში, კიდევ ერთხელ, მთავარია სამართლებრივად მოქმედება. პოლიტიკური კუთხით სააკაშვილი საქართველოში აქტუალური აღარ არის.

აქ არ არის მნიშვნელოვანი ის, თუ რა გვაწყობს ჩვენ და რა არ გვაწყობს. ჩვენ ჩამოვაყალიბეთ სამართლებრივი სახელმწიფო, სადაც სამართალი დგას პოლიტიკაზე მაღლა და ზუსტად ამ ჭრილში უნდა გადაწყდეს ეს საკითხიც“,-განაცხადა პარლამენტის თავმჯდომარემ.

მონიკა დავლიანიძე