მსოფლიო

სააკაშვილი დაკავებული იქნება - იური ლუცენკო

უკრაინის გენერალურმა პროკურორმა იური ლუცენკომ, ოდესის ოლქის ყოფილ გუბერნატორს მიხიელ სააკაშვილს პროკურატურაში ჩვენების მისაცემად მისვლისკენ მოუწოდა.

ამის შესახებ ლუცენკომ უმაღლეს რადაში განაცხადა.

ლუცენკოს თქმით, სააკაშვილზე ძებნაა გამოცხადებული, შესაბამისად, იგი შინაგან საქმეთა სამინისტრომ და უსაფრთხოების სამსახურმა უნდა დააკავონ.

„ეს კანონიერი და საჭირო ქმედებაა ნებისმიერი ქვეყნისთვის“,-აღნიშნა გენერალურმა პროკურორმა და დასძინა, რომ „გაცილებით ეფექტურები შეიძლება ვყოფილიყავით“.

„კანონით უსაფრთხოების სამსახურის იმ 12 თანამშრომელს, რომლებსაც გუშინ სააკაშვილი დაკითხვაზე მიჰყავდათ, კანონით ცეცხლი უნდა გაეხსნათ. მაგრამ, ჩვენ სახელმწიფოზე ვფიქრობთ, უკრაინელების ზურგს უკან ამოფარებული სააკაშვილი კი, მხოლოდ პირად კომფორტზე ფიქრობს. მომავალში გავაგრძელებთ სახელმწიფოზე ზრუნვას, ზოგჯერ, კანონით მინიჭებულ უფლებებსაც არ გამოვიყენებთ.

მაგრამ, სააკაშვილი დაკავებული იქნება. ყველაზე კარგი რისი გაკეთებაც შეუძლია მას, თუკი ის მამაკაცია, თუკი მას ცოტათი მაინც უყვარს უკრაინა, როგორც ამას ამბობს - უნდა მოვიდეს გამომძიებელთან ჩვენების მისაცემად“,-აღნიშნა იური ლუცენკომ.

მონიკა დავლიანიძე