კომენტარი

რუსთავი2-თან დაკავშირებით გაშიფრულია აბსოლუტურად ყველანაირი სქემა - ჯარჯი აქიმიძე

ტელეკომპანია რუსთავი2-ის ერთ- ერთი დამფუძნებლის, ჯარჯი აქიმიძის განცხადებით, მეორე ხარისხოვანია დარჩება თუ გადადგება ნიკა გვარმია თანამდებობიდან.

როგორც აქიმიძემ საკითხის კომენტირებისას მედიას განუცხადა, ფაქტი არის ის, რომ რუსთავი2 პოლიტიკურ ბრძოლებსა და ინტრიგებს შეეწირა.

„ნიკა გვარამის გადადგომა, ამ შემთხვეაში, აბსოლუტურად მეორე ხარისხოვანია, იმიტომ, რომ არანაირი მნიშვნელობა არ აქვს ნიკა გვარამია გადადგება, სხვა მოვა, ნაყოფია იქნება თუ ვინ იქნება. ფაქტი და რეალობა არის ერთი - პოლიტიკურ ბრძოლებს და ინტრიგებს ნაციონალურ მოძრაობასა და ხელისუფლებასთან შეეწირა და ეწირება რუსთავი2, მთელი თავისი ისტორიით, მთელი თავისი განვითარებით, იმ ხალხით, რომლებიც ამ ყველაფერს აკეთებდა“,-განაცხადა აქიმიძემ.

მისი თქმით, ამ დაპირისპირებაში ვინ ვის მოერევა, ან ვინ ვის გაურიგდება უცნობია, მაგრამ ფაქტია, რომ ძველი რუსთავი2, რომელიც ხალხს უყვარდა, აღარ არსებობს.

„მე არ ვიცი იქ ვინ ვის მოერევა, ვინ ვის გაურიგდება და რა თამაშის წესებზე ისაუბრებენ. ფაქტი არის ის, რომ ის რუსთავი2, რომელიც ხალხს ასე უყვარდა წლების წინ, ის რუსთავი2 დღეს აღარ არის. დღეს ამ საქმის მიხედვით, ყველაფერი არის უმარტივესი, თეთრი შავზეა, გაშიფრულია აბსოლუტურად ყველანაირი სქემა, როგორ მოხდა რუსთავი2-ის წაღება, როგორ მოხდა შემდგომში მისი მართვა, როგორ გადადიოდა ხელიდან ხელში“,-აღნიშნა ჯარჯი აქიმიძემ.

მონიკა დავლიანიძე