კომენტარი

რუსთავი2 ნაციონალური მოძრაობის პრესსამსახურია - ირაკლი შიოლაშვილი

საპარლამენტო უმრავლესობის წევრის, ირაკლი შიოლაშვილის განცხადებით, მას არ გაკვირვებია, რომ ნაციოალურმა მოძრაობამ, მერობის კანდიდატად, შესაძლოა ზაალ უდუმაშვილი წარადგინოს.

შიოლაშვილის თქმით, უდუმაშვილის შანსები ნულის ტოლია, რადგან „ქართული ოცნების“ სავარაუდო კანდიდატი, კახა კალაძე, უალტერნატივოა.

„მიმაჩნია,რომ რუსთავი2 არის ნაციონალური მოძრაობის პრესსამსახური, შესაბამისად, არ გამიკვირდა, რომ რუსთავი2-ის ერთ-ერთი ჟურნალისტი იქნა წარმოდგენილი კანდიდატად მათი მხრიდან. მიმაჩნია, რომ შანსებია პრაქტიკულად ნულის ტოლი. კახი კალაძე იქნება უალტერნატივო კანდიდატი, და ის აუცილებლად მოიპოვებს გამარჯვებას“,-აღნიშნა შიოლაშვილმა.

მონიკა დავლიანიძე