მსოფლიო

რუსეთში თვითმფრინავის ჩამოვარდნას 9-დან 8 ადამიანი ემხვერპლა, გადარჩა მხოლოდ 4 წლის ბავშვი

რუსეთის ქალაქ ხაბაროვსკთან, დასახლება ნელკანთან თვითმფრინავი Л-410 ჩამოვარდა, იქ მყოფი 9 ადამიანიდან 8 დაიღუპა, გადარჩა მხოლოდ 4 წლის ბავშვი. ინფორმაციას ინტერფაქსი ავრცელებს.

„არის ინფორმაცია თვითმფრინავის ჩამოვარდნის შესახებ. ჩამოვარდა დაახლოებით 13 საათზე. იქ იყო 7 მგზავრი და ეკიპაჟის 2 წევრი. მხოლოდ 4 წლის ბავშვი გადარჩა“, - უთხრა რუსულ გამოცემას აიანო-მაისკის რაიონის ხელმძღვანელმა ალექსეი ივლიევმა.

მომხდარზე უკვე დაწყებულია გამოძიება სსკ-ის მუხლით „უსაფრთხო მოძრაობის წესების დარღვევა და საჰაერო ტრანსპორტის ექსპლუატაცია, რომელსაც გაუფრთხილებლობის გამო მოჰყვა 2 ან მეტი ადამიანის სიკვდილი“.

გამოძიება ავიაკატასტროფის სამ სავარაუდო მიზეზს განიხილავს: უამინდობა, პილოტის მიერ დაშვებული შეცდომა და ტექნიკური გაუმართაობა. დაგეგმილია იმ ავიაკომპანიის შემოწმება, რომელსაც თვითმფრინავი ეკუთვნოდა.

16 ნოემბერი გლოვის დღედაა გამოცხადებული.

ანა მებურიშვილი