მსოფლიო

რუსეთს ბევრი თავისი „კატალონია“ აქვს - მიხეილ გორბაჩოვი

საბჭოთა კავშირის პირველი და უკანასკნელი პრეზიდენტი მიხეილ გორბაჩოვი ესპანეთის კატალონიაში მიმდინარე პროცესებს გამოეხმაურა.

ჟურნალისტების კითხვაზე, შეიძლება თუ არა პარალელის გავლება იმასთან, რაც ხდება დღეს ესპანეთში საბჭოთა კავშირში განვითარებულ მოვლენებთან, გორბაჩოვმა აღნიშნა, რომ რუსეთს ბევრი თავისი „კატალონია“ აქვს.

ამის შესახებ გორბაჩოვმა საკუთარი წიგნის „ოპტიმისტად ვრჩები“-ს პრეზენტაციაზე განაცხადა.

„არ ვისაუბრებდი ესპანეთის კატალონიაზე. არ ვისაუბრებ, რადგან ჩვენ ჩვენი ბევრი „კატალონია“ გვაქვს, რომელთანაც კიდევ მოგვიწევს ბევრი რამის გარკვევა“,-აღნიშნა მიხეილ გორბაჩოვმა.

დღეს, კატალონიის მთავრობის მეთაურმა კარლეს პუჩდემონმა და ავტონომიიის სხვა ხელმძღვანელებმა ესპანეთისგან დამოუკიდებლობის შესახებ დოკუმენტს მოაწერეს ხელი.

მონიკა დავლიანიძე