მსოფლიო

რუსეთმა სირიაში „მიწის გადაბუგვის“ ტაქტიკა გამოიყენა -ამერიკის ცენტრალური სადაზვერვო სააგენტოს ხელმძღვანელი

ამერიკის ცენტრალური სადაზვერვო სააგენტოს ხელმძღვანელის ჯონ ბრენანის განცხადებით, რუსეთმა სირიაში „მიწის გადაბუგვის“ ტაქტიკა გამოიყენა, რამელმაც მშვიდობიანი მოსახლეობის მასობრივი ხოცვა გამოიწვია.

ამის შესახებ ბრენანმა PBS-თვის მიცემულ ინტერვიუში განაცხადა.

კითხვაზე, სირიაში შექმნილი ვითარება გაუჯებესდებოდა თუ არა, თუ მასში ამერიკა ჩაერთვებოდა? ჯონ ბრენანი პასუხობს, რომ „ვერავინ წარმოიდგენდა იმას, რაც სირიაში მოხდა“.

„მოვლენების შეცვლის შესაძლებლობა რომ იყოს, არამარტო ამერიკა, არამედ სხვა ქვეყნებმაც უნდა გადადგან ნაბიჯები, რომ „ისლამურმა სახელმწიფომ“, „ჯაბჰათ ან-ნუსრამ“ და „ალ -ყაიდამ“ ძალის მოკრება ვერ შეძლონ“,-აღნიშნა ჯონ ბრენანმა.

მისივე თქმით, რუსეთმა სირიის მთელი ოპოზიციური სპექტრი ტერორისტებად აღიქვა.

„ამიტომაც, გადადგა ის „გაბედული“ ნაბიჯები, ჩემი აზრით,განახორციელა უგუნური სამხედრო ქმედება, რომელმაც სირიელების მასობრივი სიკვდილი გამოიწვია“,-აღნიშნა ცენტრალუ სადაზვერვო სააგენტოს ხელმძღვანელმა.

მისივე თქმით, სირიაში რუსეთის ქმედებას „შესაძლოა ვუწოდოთ „მიწის გადაბუგვის“ ტაქტიკა, რომელმაც მასობრივი ნგრევა და ასობით უდანაშაულო ადამიანის სიკვდილი გამოიწვია“.

„მსგავს რაღაცას ამერიკა არასდროს იზამდა, რომელიმე აღნიშნულ კონფქტიქტში“,-ხაზი გაუსვა ჯონ ბრენანმა.

მონიკა დავლიანიძე