მსოფლიო

რუსეთმა საკუთარ ქმედებაზე პასუხი უნდა აგოს - მაიკ პენსი

ამერიკის ვიცე-პრეზიდენტმა მაიკ პენსმა განაცხადა, რომ პრეზიდენტი დონალდ ტრამპი მოსკოვთან დიალოგისთვის საერთო პოზიციების ძებნაშია.

ამასთან, როგორც პენსმა მიუნჰენის უსაფრთხოების კონფერენციაზე აღნიშნა, რუსეთმა საერთაშორისო არენაზე საკუთარ ქმედებაზე პასუხი უნდა აგოს.

პენსმა აღნიშნა, რომ ამერიკა რუსეთისგან მინსკის შეთანხმების შესრულებას მოითხოვს.

„ისე უნდა გავაკეთოთ, რომ რუსეთმა პასუხი აგოს და მოვითხოვოთ მინსკის შეთანხმების შესრულება, რომ უკრაინის აღმოსავლეთ ნაწილში ძალადობას ჩაცხრეს“,-აღნიშნა პენსმა.

გარდა ამისა, ამერიკის ვიცე-პრეზიდენტი ნატოს საკითხსაც შეეხო და აღნიშნა, რომ ამერიკა ალიანსს მხარს გაბედულად დაუჭერს.

ევროპელ ლიდერებს კი მოუწოდა, ალიანსის ფარგლებში, თავდაცვაზე ხარჯი გაზარდონ, წინააღმდეგ შემთხვევაში, პენსის თქმით, დაბალი დაფინანსება ორგანიზაციის საფუძველს ჩამოშლის.

მონიკა დავლიანიძე