მსოფლიო

რუსეთმა კავკასიაში მასშტაბური სამხედრო სწავლება დაიწყო

რუსეთმა, ჩრდილოეთ კავკასიაში სამხედრო სწავლება დაიწყო, რომელშიც 2,5 ათასი სამხედრო მოსამსახურე მონაწილეობს. სწავლებაში ასევე, უპილოტო საფრენი აპარატები გამოიყენება.

ამის შესახებ რუსეთის სამხრეთის სამხედრო ოლქის პრესსამსახურის უფროსმა, პოლკოვნიკმა ვადიმ ასტაფიევმა განაცხადა.

„სწავლება 58 არმიის მონაწილეობით იმართება, რომელიც ჩრდილოეთ კავკასიაშია დისლოცირებული. ისინი საველე გასვლებს შეუდგნენ. სწავლებაში სულ 2,5 ათასი სამხედრო მონაწილეობს და 500-მდე სარაკეტო-საარტილერიო შეირაღება, ასევე სამხედრო და სპეციალური ტექნიკაა ჩართული“,- განაცხადა ასტაფიევმა.

მისი თქმით, სწავლებაში გამოიყენება 152-მილიმეტრიანი ჰაუბიცები, რეაქტიული სისტემა „Торнадо-Г“ და „Ураган“, ტანკსაწინააღმდეგო სარაკეტო კომპლექსი „Штурм-С“ და 120-მილიმეტრიანი ტყვიამფრქვევი.

მისივე თქმით, ცეცხლის კორექტირებისთვის აქტიურად უპილოტო საფრენი აპარატები იქნება გამოყენებული.

მონიკა დავლიანიძე