მსოფლიო

რუსეთმა არსენი იანცენიუკის ძებნისთვის საჭირო მასალები ინტერპოლს გადასცა

რუსეთის საგამოძიებო კომიტეტი ეცდება, რომ უკრაინის ექს-პრემიერი არსენი იაცენიუკი სისხლის-სამართლის პასუხისგებაში მისცეს.

უწყების ოფიციალური წარმომადგენლის სვეტლანა პეტრენკოს განცხადებით, უწყება ფლობს მტკიცებულებას რომ იაცენიუკი 1994-1995 წლებში ჩეჩნეთში რუსი სამხედროების წამებაში მონაწილეობდა.

კერძოდ, მისი თქმით, არსენი იაცენიუკი 1994 წლის 31 დეკემბერსა და 1995 წკლის 7 იანვარს შეიარღებულ შეტაკებაში და რუსი სამხედროების წამებასა და მათ დახვრეტაში მონაწილეობდა.

„საგამოძიებო კომიტეტი აპირებს, რომ იაცენიუკი სისხლის-სამართლის პასუხისგებაში იქნას მიცემული რუსეთის კანონმდებლობისა და ყველა სამართლებრივი შესაძლებლობების გამოყენებით, რომელსაც საერთაშორისო სამართალი ითვალისწინებს“,-განაცხადა პეტრენკომ.

რუსეთის გენერალურმა პროკურატურამ განაცხადა, რომ იაცენიუკის ძებნისთვის საჭირო დოკუმენტები ინტერპოლშია გადაგზავნილი.

მონიკა დავლიანიძე