მსოფლიო

რუსეთის წინააღმდეგ სანქციების გაფართოება პუტინი-ტრამპის დაგეგმილი შეხვედრისთვის მზადებას ხელს არ შეუშლის - თეთრი სახლი

რუსეთის წინააღმდეგ სასანქციო სიის გაფართოება ხელს არ შეუშლის რუსეთის პრეზიდენტ ვლადიმერ პუტინსა და აშშ-ის პრეზიდენტ დონალდ ტრამპს შორის დაგეგმილი შეხვედრისთვის მომზადებას. ამის შესახებ თეთრმა სახლამ განაცხადა.

„როგორც პრეზიდენტმა თქვა, მას სურს რუსეთთან კაი ურთიერთობა, მაგრამ ეს იქნება დამოკიდებული რუსეთის გარკვეულ მოქმედებებზე“, -თქვა თეთრი სახლის პრესმდივანმა სარა სანდერსმა.

გუშინ აშშ-მ ახალი საქნციები დაუწესა რუსეთს, ამჯერად სიაში 26 პირი და 15 კომპანია მოხვდა.

სასანქციო სიის გაფართოება უკავშირდება რუსეთის შესაძლო ჩარევას 2016 წლის აშშ-ის პრეზიდენტის არჩევნებში.

სიაში ის რუსი ბიზნესმენები და მეწარმეები მოხვდნენ, ვისი ქონებაც 1 მილიარდ დოლარს აჭარბებს.

სანქციები დაუწესეს რუსეთის პრეზიდენტ ვლადიმერ პუტინთან დაახლოებულ ისეთ პირებს, როგორიცაა ოლეგ დერიპასკა, იგორ როტენბერგი, სულეიმან ქერიმოვი, ნიკოლაი პატრუშევი და „გაზპრომის“ თავმჯდორე ალექსეი მილერი.