მსოფლიო

რუსეთის საგამოძიებო კომიტეტი უარყოფს ინფორმაციას, რომ ხაბაროვსკელი თავდამსხმელი ISIS-თან არის კავშირში

რუსეთის საგამოძიებო კომიტეტი გავრცელებულ ინფორმაციას, რომ ხაბაროვსკში ფსბ-ს შენობაში მომხდარ თავდასხმასთან კავშირი „ისლამურ სახელმწიფოს“ აქვს არ ადასტურებს.

ამის შესახებ უწყების ოფიციალურმა წარმომადგენელმა სვეტლანა პეტრენკომ განაცხადა.

მისი თქმით, მოპოვებული ინფორმაცია ადასტურებს, რომ თავდამსხმელი ნეონაცისტური შეხედულებების იყო და „სხვა ეროვნების ადამიანები“ ეზიზღებოდა.’

„ამასთან, გამოძიებას არ აქვს საფუძველი დააკავშიროს თავდამსხმელი ტერორისტულ ორგანიზაციასთან, რომელმაც მომხდარზე პასუხისმგებლობა მიიწერა“,-აღნიშნა პეტრენკომ.

გუშინ, მედიაში გავრცელდა ინფორმაცი, რომ ხაბაროვსკში მომხდარ ინციდენტზე პასუხისმგებლობა „ისლამურმა სახელმწიფომ“ აიღო.

შეგახსენებთ, რომ ხაბაროვსკში, გუშინ, ფსბ-ს სამამმრთველოს შენობაში შეიარაღებული მამაკაცი შეიჭრა და მისაღებში მყოფი ადამიანების მისამართით სროლა გახსნა.

შედეგად, უწყების ერთი თანამშრომელი და ერთი მოქალაქე დაიღუპა, ორი მოქალაქე დაიჭრა.

თავდამსხმელი კი, ადგილზე იქნა ლიკვიდირებული.

მონიკა დავლიანიძე