მსოფლიო

რუსეთის პატრიარქი ლიტურგიის დროს კონსტანტინოპოლის პატრიარქის მოხსენიებას წყვეტს

მოსკოვისა და სრულიად რუსეთის პატრიარქი კირილი, ლიტურგიის დროს, კონსტანტინოპოლის პატრიარქის, ბართლომეოსის მოხსენიებას წყვეტს, თუმცა, მსოფლიო საპატრიარქოსთან ევქარისტიულ კავშირს ინარჩუნებს.

რუსული მედიის ინფორმაციით, შესაბამისი გადაწყვეტილება რუსეთის სინოდის დღევანდელ სხდომაზე მიიღეს.

„ევქარისტიული ერთობა ეკლესიებს შორის არ წყდება. ეს გადაწყვეტილება ჯერ კიდევ არ უკრძალავს კონსტანტინოპოლისა და რუსეთის საპატრიარქოების კლირიკოსებს ჩაატარონ ერთობლივი ღვთისმსახურება“, - განაცხადა პატრიარქ კირილის პრესმდივანმა, მღვდელმა ალექსანდრ ვოლკოვმა.

მსოფლიო პატრიარქის მოხსენიების შეწყვეტა ნიშნავს იმას, რომ მოსკოვის პატრიარქი კირილი კონსტანტინოპოლის პატრიარქ ბართლომეოსს ლიტურგიის დროს აღარ მოიხსენიებს.

საპატრიარქო ლიტურგიის დროს ადგილობრივი ეკლესიების პატრიარქებს რამდენიმეჯერ მოიხსენიებენ.