მსოფლიო

რუსეთის ელჩის მკვლელობის უკან დგანან ფეთჰულა გიულენის ტერორისტები - მევლუთ ჩავუშოღლუ

ინფორმაცია იმის შესახებ, რომ რუსეთის ელჩის ანდრეი კარლოვის მკვლელობის უკან დგანან ფეთჰულა გიულენის ტერორისტები, ცნობილია როგორც თურქეთისთვის, ასევე რუსეთისთვის, - განაცხადა თურქეთის საგარეო საქმეთა მინისტრმა მევლუთ ჩავუშოღლუმ აშშ-ის სახელმწიფო მდივანთან ჯონ კერისთან სატელეფონო საუბარში.

როგორც თურქული საინფორმაციო სააგენტო „ანადოლუ“ იუწყება, ანკარაში დიპლომატიური წყაროების ინფორმაციით, სატელეფონო საუბარი ამერიკული მხარის ინიციატივით შედგა.

ჯონ კერიმ ჩავუშოღლუს განუცხადა, რომ ამერიკული მხარე დამწუხრებულია რუსეთის ელჩის მკვლელობით.

,,ანადოლუს’’ ინფორმაციით, საუბარი ასევე შეეხო სირიის თემასაც.

ნინო ექვთიმიშვილი