მსოფლიო

რუსეთი-სომხეთის დამაკავშირებელი რკინიგზის ამუშავებას გეოპოლიტიკური მდგომარეობა უშლის ხელს - ნიკოლ პაშინიანი

სომხეთის პრემიერ-მინისტრის, ნიკოლ პაშინიანის შეფასებით, რუსეთ-სომხეთის დამაკავშირებელი რკინიზის პროექტის განხორციელებას ხელს უშლის გეოპოლიტიკური მდგომარეობა. ამის შესახებ მან რუსულ „Эхо Москва“-სთან ინტერვიუში განაცხადა.

„ახლა მიმდინარეობს პროცესი, როდესაც შვეიცარიული ფირმა ითამაშებს შუამავლის როლს სატრანსპორტო გადაზიდვებთან დაკავშირებით. მაგრამ ეს არანაირად არაა დაკავშირებული აფხაზეთის რკინიგზასთან, ეს დაკავშირებულია საავტომობილო გზებთან და ვიმედოვნებ, რომ ზემო ლარსის ალტერნატიული გზა გვექნება. ვფიქრობ, ამ საკითხს უნდა მივუდგეთ ეტაპობრივად. და თუ მოვახერხებთ პატარა ნაბიჯებითაც წინ წაწევას, ეს ძალიან პოზიტიური იქნება და არ უნდა მოვინდომოთ, გადავწყვიტოთ ყველაფერი ერთბაშად, არამედ პატარა ნაბიჯებით წინ წავიდეთ“, -აღნიშნა პაშინიანმა.

მისივე თქმით, რკინიგზის საკითხი „ასევე საინტერესოა ჩვენთვის და ყველა შესაძლებლობას ვიყენებთ, რათა რკინიგზის საკითხი განვიხილოთ ჩვენ ქართველ და რუს კოლეგებთან. ეს, რა თქმა უნდა, სომხეთის ინტერესებშია. და ჩვენ, რა თქმა უნდა, უნდა გავაკეთოთ ყველკაფერი, რაც ჩვენზეა დამოკიდებულია, რომ ამ საკითხში წინსვლა გვქონდეს“.