მსოფლიო

რუსეთი რომ არ შეჭრილიყო დნესტრისპირეთში, საქართველოსა და უკრაინაში, ნატო თავის სამხედრო წარმომადგენლობას არ გააძლიერებდა - პეტრ პაველი

„რუსეთი რომ არ შეჭრილიყო დნესტრისპირეთში, საქართველოსა და უკრაინაში, ნატო თავის სამხედრო წარმომადგენლობას არ გააძლიერებდა“, -ამის შესახებ ნატოს სამხედრო კომიტეტის თავმჯდომარემ პეტრ პაველმა პრაღაში ჩრდილოატლანტიკური ალიანსის სტრატეგიული კომუნიკაციების საერთაშორისო კონფერენციაზე (NATO Stratcom) განაცხადა.

„რუსეთი რომ არ შეჭრილიყო დნესტრიპირეთში, საქართველოსა და უკრაინაში, ამასთანავე რომ არ გადაეყარა ფანჯრიდან ყველა საერთაშორისო სტანდარტი, ნატო არ გააძლიერებდა თავის სამხედრო წარმომადგენლობას საკუთარ აღმოსავლეთ და სამხრეთ ფლანგებზე“, -დასძინა პაველმა.

მისი შეფასებით, „რუსეთი არაა მოხარული ამჟამინდელი მსოფლიო წესრიგით, რომელიც დაფუძნებულია ლიბერალური დემოკრატიის დასავლურ ნიმუშზე, და ცდილობს, შეცვალოს ის იმგვარად, რომ ის მეტად მიესადაგებოდეს საზოგადოების მისეულ ეროვნულ მოდელს“.

პაველის აზრით, ამასთან რუსეთი არ ახორციელებს კლასიკურ სამხედრო აგრესიას, არამედ იყენებს ჰიბრიდულ საშუალებებს, კერძოდ, პროპაგანდას, რომელსაც ავრცელებს ტრადიციული მედიასა და სოციალურ ქსელებში.

რუსეთი-ნატოს ურთიერთობა გაუარესდა ყირიმის ანექსიასა და დონბასში დაწყებული კონფლიქტის გამო.