მსოფლიო

რუსეთი ნატო-ში ჩვენი გაწევრიანებისთვის ხელის შეშლას ცდილობდა - მონტენეგროს საგარეო საქმეთა მინისტრი

ჩერნოგორიის საგარეო საქმეთა მინისტრის, სერდჟან დარმანოვიჩის განცხადებით, რუსეთი „სხვადასხვა ქვენყების შიდა საქმეებში სერიოზულად ჩაერია“.

მისი თქმით, ის ცდილობდა მონტენეგროს ნატო-ში გაწევრიანების ხელის შეშლას.

ჩერნოგორიის ტელეარხის RTCG-ის ინფორმაციით, დარმანოვიჩმა ხაზი გაუსვა, რომ მოსკოვი „უკანასკნელი ორი-სამი წლის განმავლობაში, ალიანსის გაფართოების წინააღმდეგ მიმართულ პოლიტიკას ატარებს“.

„ნატო-ში ჩვენი წევრობა არავის წინააღმდეგ მიმართული არ არის, მათ შორის არც რუსეთის. ის არ გახლავთ ჩვენი მთავარი ეკონომიკური პარტნიორი. ჩვენ გვყავდა და დღემდე გვყავს, რუსი ტურისტების საკმარისი რაოდენობა, ჩვენს ეკონომიკაში რუსულმა ინვესტიციებმა არაეფექტურობა აჩვენეს“,-დასძინა დიპლომატმა.

მონიკა დავლიანიძე