მსოფლიო

რუსეთი მადანაშაულებს, რომ უკრაინის ეკლესიის ავტოკეფალიისთვის მე ფული მივიღე, ფული არ ამიღია, არამედ ბევრი ტკბილეული წამოვიღე - მსოფლიო პატრიარქი

მსოფლიო პატრიარქ ბართლომეს თქმით, რუსეთში ამტკიცებენ, რომ უკრაინის ავტოკეფალიის სანაცვლოდ მან თანხა მიიღო. ამის შესახებ კონსტანტინოპოლის პატრიარქმა შობის ღამეს ბავშვებისთვის ტკბილეულის დარიგებისას ისაუბრა.

„პრეზიდენტ პოროშენკოს აქვს შოკოლადი ქარხანა, როგორც პრეზიდენტი ტრამპი, ისიც ბიზნესმენია. მან კანდიდატურა წარადგინა და გაიმარჯვა. რუსეთი მადანაშაულებს, რომ უკრაინის ეკლესიის ავტოკეფალიისთვის მე ფული მივიღე. ფული არ ამიღია, არამედ ბევრი ტკბილეული წამოვიღე“, – იხუმრა ბართლომემ, რის შემდეგაც შოკოლადი ბავშვებს დაურიგა.

მსოფლიო პატრიარქმა არაერთხელ განაცხადა, რომ უკრაინის მართლმადიდებელი ეკლესია ავტოკეფალიას მიიღებდა.

15 დეკემბერს კიევში უკრაინაში მოქმედი მართლმადიდებელი ეკლესიების გამაერთიანებელი კრება გაიმართა, რომელზეც ახალჩამოყალიბებული ეკლესიის მეთაურად 39 წლის ეპიფანე აირჩიეს.

უკვე ცნობილია, რომ მსოფლიო პატრიარქი ბართლომე უკრაინის ეკლესიის ახალარჩეულ მეთაურს ავტოკეფალიის ტომოსს საერთი ღვთისმსახურებაზე გადასცემს, რომელიც 2019 წლის 6 იანვარს გაიმართება.