მსოფლიო

რუსეთი ყირიმსა და დანარჩენ უკრაინას შორის კედელს ააშენებს

ყირიმის რესპუბლიკაში რუსეთის უსაფრთხოების ფედერალური სამსახურის სასაზღვრო სამმართველო ყირიმის კუნძულსა და დანარჩენ უკრაინას შორის 50-კილომეტრიან კედელს აღმართავს. ამის შესახებ ТАСС იუწყება.

მშენებლობაში 200 000 000 რუბლზე მეტის დახარჯვა იგეგმება. სამუშაოების დასრულება წლის ბოლოსთვის აპირებენ.

„ამჟამად რუსულ-უკრაინული საზღვრის იმ მონაკვეთის ინჟენერული აღჭურვილობის სამუშაოები მიმდინარეოს გეგმიურად, ხოლო 50-კილომეტრიანი გამყოფის მშენებლობა ყირიმის ჩრდილოეთით მისი მოდმევნო ეტაპია“, -განაცხადეს უწყებაში.

რუსეთის სახელმწიფო შესყიდვების საიტზე გამოქვეყნებული აუქციონის თანახმად, სამუშაოები 2017 წლის 20 დეკემბრისთვის უნდა იყოს დასრულებული, კონტრაქტის მაქსიმალური ზღვარი კი 212.88 მილიონი რუბლია. ტენდერში გამარჯვებულს 16 ოქტომბერს გამოავლენენ.

მოთხოვნების თანახმად, კედლის ექსპლუატაციის ვადა 10 წელზე ნაკლები არ უნდა იყოს.

რუსეთმა ყირიმის ანექსია 2014 წელს მოახდინა.

ანა მებურიშვილი