მსოფლიო

რუსეთი ევროკავშირს სამხედრო თანამშრომლობას სთავაზობს

რუსეთის მუდმივი წარმომადგენლის, ვლადიმირ ჩიჟოვის განცხადებით, მოსკოვი ბრიუსელთან სამხედრო თანამშრომლობისთვის არის მზად.

ამის შესახებ Die Welt წერს.

„ჩვენ ღია ვართ ინტენსიური, ორივე მხარისთვის მომგებიანი დიალოგისთვის, საგარეო პოლიტიკის მთავარ საკითხებზე. ასევე, მზად ვართ, სამხედრო თანამშრომლობისთვის“,-განაცხადა დიპლომატმა.

მისი თქმით, სავსებით შესაძლებელია, რომ რუსეთმა ევროკავშირის ოპერაციებში მიიღოს მონაწილეობა, ასევე მესამე ქვეყნების ოპერაციებში.

მისი თქმით, ადრე რუსეთი ევროკავშირთან სომალიში, ჩადსა და ბალკანეთში თანამშრომლობდა.

„მზად ვართ, სამართლებრივი საფუძვლები განვიხილოთ, მაგალითად, ორმხრივი შეთანხმება. ამგვარი შეთანხმების მიზანი, შესაძლოა გახდეს, სტაბილური და კონსტრუქციული თანამშრომლობა მსოფლიოს კრიზისულ რეგიონებში. ერთობლივი ოპერაციების ხელმძღვანელობა რიგრიგობით შეუძლიათ აიღონ რუსეთმა და ევროკავშირმა, ან შესაძლოა, ოპერაციები გაეროს ხელმძღვანელობით მიმდინარეობდეს“,-აღნიშნა ჩიჟოვმა.

ხვალ, 15 დეკემბერს, ბრიუსელში ევროკავშირის სამიტი გაიმართება.

მონიკა დავლიანიძე