მსოფლიო

რუსეთი ევროკავშირის დესტაბილიზაციისთვის ორგანიზებულ პოლიტიკას ატარებს - ბულგარეთის პრეზიდენტი

ბულგარეთის მოქმედი პრეზიდენტი როსენ პლევნელიევი ევროკავშირს რუსეთის მხრიდან მომდინარე დესტაბილიზაციის მცდელობაზე აფრთხილებს.

როგორც პლევნელიევმა Frankfurter Allgemeine Zeitung-თვის მიცემულ ინტერვიუში განაცხადა, მოსკოვი ევროკავშირის დასუსტებას ულტრანაციონალისტური პარტიებისა და მოძრაობების მხარდაჭერით ცდილობს.

მისი თქმით, ასევე, რუსეთი ახალ იდეოლოგიურ ფუნდამენტზე ცდილობს მიაღწიოს იმას, რისი გაკეთების მცდელობა, თავის დროზე, საბჭოთა კავშირს ჰქონდა.

„ევროპის დასუსტება დემოკრატიის ფასეულობებსა და სამართლიანი სახელმწიფოს მშენებლობის იდეაში ეჭვის შეტანის გზით უნდა მოხდეს“,-აღნიშნა ბულგარეთის პრეზიდენტმა.

მისივე თქმით, იგივე მიზანს ახორციელებს მოსკოვი ინტერნეტში.

„ეს ორგანიზებული პოლიტიკაა, რომელიც ევროკავშირის დესტაბილიზაციის მკაფიო მიზანია. ევროკავშირის წევრი ქვეყნების მოსახლეობას უნდა განემარტოს, თუ რა ხდება და რისკენ არის მიმართული რუსული პროპაგანადა“,-აღნიშნა პლევნელიევმა.

შეგახსენებთ, რომ მიმდინარე წლის ნოემბერში, ბულგარეთში ჩატარებული საპრეზიდენტო არჩევნების შედეგად გამარჯვება რუმენ რადევმა მოიპოვა,რომელიც პრორუსული შეხედულებებით გამოირჩევა.

გენერალ-მაიორი რადევი, თანამდებობას 2017 წლის 22 იანვარს დაიკავებს.

მონიკა დავლიანიძე