მსოფლიო

რუსები ჩვენი მეგობრები არ არიან - რესპუბლიკელების ლიდერი აშშ-ს სენატში

ამერიკის სენატში რესპუბლიკელების ლიდერი მიტჩ მაკკონელი მზად არის რუსეთის წინააღმდეგ ახალი სანქციების შემოღებას მხარი დაუჭიროს, თუ ამას თეთრი სახლი გადაწყვეტს. - ამის შესახებ გამოცემა The Hill-ზე დაყრდნობით აზერბაიჯანული Haqqin.az წერს.

„თუ თეთრი სახლი ჩათვლის, რომ დამატებითი სანქციებია საჭირო, ან კონგრესში შემოვიდა ისეთი საკითხი რასაც ორივე პარტია დაუჭერს მხარს, ამისთვის ღია ვარ“,-განაცხადა მაკკონელმა ჟურნალისტის კითხვის საპასუხოდ.

მანვე დასძინა, რომ საკითხის განხილვას სენატის საერთაშორისო საქმეთა კომიტეტის თავმჯდომარესთან ბობ კორკერთან განიხილავს.

„ვთვლი, რომ ძალიან კარგია, რომ ადმინისტრაციას მოქმედი სანქციები არ მოუხსნია. ვფიქრობ, რომ რუსები ყოველჯერზე გვიჩვენებენ რომ ჩვენი მეგობრები არ არიან“,-განაცხადა რესპუბლიკემლმა დეპუტატმა.

მონიკა დავლიანიძე