კომენტარი

როცა ვკითხულობდი რომის პაპების ისტორიებს, ვერ ვიფიქრებდი, რომ მსგავსი აქაც მოხდებოდა - თემურ ჭკუასელი

ისეთი საქმეები, რაც საპატრიარქოს ეხება, მარტივი გამოსაძიებელი არ არის, – განაცხადა დღეს გამართულ პრესკონფერენციაზე საპარალამენტო უმრავლესობის წევრმა, თემურ ჭკუასელმა.

„როცა ვკითხულობდი რომის პაპების ისტორიებს, ვერ ვიფიქრებდი, რომ მსგავსი აქაც მოხდებოდა. ალბათ არ არის ჯერ წინასწარ საჭირო საუბარი, გამოძიება რა სტადიამდეა მისული. მე ღრმად ვარ დარწმუნებული, რომ უდანაშაულო ადამიანი არ დაისჯება, ეს პერიოდი დამთავრდა საქართველოში. დაცვის მხარე საკმაოდ პრინციპულია და არც არის მოსალოდნელი, რომ ვინმეს რამე დაუთმოს. ეჭვმიტანილი, ამჟამად, მე ვიცი, რომ საიმედო ხელშია“, – განაცხადა თემურ ჭკუასელმა.

მანვე აღნიშნა, რომ სასულიერო პირები ურთიერთგამომრიცხავ ვერსიებს ავრცელებენ, რაც საზოგადოებას უფრო მეტად აბნევს.

,,სასულიერო პირებსაც კი მოვუწოდებ, რომ თავი შეიკავონ ზედმეტი განცხადებების გაკეთებისგან, რადგან ეს საზოგადოებას აბნევს. თუ ეს მცდელობა იყო და აღიკვეთა, ეს არის საკმაოდ კვალიფიციური მუშაობის შედეგი ძალოვანი უწყებების მხრიდან და ეს წარმატებად უნდა ჩავთვალოთ. ეს არის მძიმე ეკლესიისთვის, რაც მოხდა“, – განაცხადა თემურ ჭკუასელმა.

ნინო ექვთიმიშვილი