კომენტარი

რეფორმები, რომლებზეც მინისტრმა ისაუბრა, არის სასიცოცხცლო მნიშვნელობის ძალოვანი სტრუქტურების გასაჯანსაღებლად - ოთარ დანელია

პარლამენტის აგრარულ საკითხთა კომიტეტის თავმჯდომარე ოთარ დანელია მიიჩნევს, რომ რეფორმები, რომლებზეც შინაგან საქმეთა მინისტრმა პარლამენტში ისაუბრა, ძალოვანი სტრუქტურების გასაჯანსაღებლად სასიცოცხლოდ მნიშვნელოვანია.

დანელიას თქმითვე, საპოლიციო კონტროლი, რომელიც გუშინ თბილისსა და რეგიონებში დაიწყო, პრევენციულ ხასიათს ატარებს.

დეპუტატი დარწმუნებულია, რომ აღნიშნული კონტროლის განხორციელებისას რაიმე სახის გადაცდომას ადგილი არ ექნება, თუმცა, მისი თქმით, თუ მსგავსი რამ მაინც მოხდა, უწყებას შესაბამისი რეაგირება ექნება.

„არ შეიძლება არ ავღნიშნოთ მინისტრის ძალიან რეფორმატული და ძალიან პროაქტიული მიდგომები. ჩვენ ძალიან საინტერესო პროგრამა მოვისმინეთ. რა თქმა უნდ, საპოლიციო კონტროლი ამ პროგრამის ნაწილია. რაც ყველაზე მნიშვნელოვანი გახლავთ, არის ის რომ ეს არის პერევენციული ღონისძიებები, რასაც აქვს ძალიან დიდი დატვირთვა. ეს არის ძალიან პოზიტიური მოვლენა. ის რეფორმები, რომლებზეც მინისტრმა ისაუბრა, არის სასიცოცხცლო მნიშვნელობის ჩვენი ძალოვანი სტრუქტურების გასაჯანსაღებლად. მე აბსოლუტრად დარწმუნებული ვარ, რომ არანირ გადაცდომას ადგილი არ ექნება და თუ იქნება, რა თქმა უნდა მოხდება შესაბამისი რეაგირება“, - აღნიშნა დანელიამ.

მონიკა დავლიანიძე