მსოფლიო

რეჯეპ ტაიპ ერდოღანმა პირადად მითხრა, რომ თურქეთი ნატოს დატოვებს- ვლადიმირ ჟრინოვსკი

რუსეთის პარტია ЛДПР-ისა და პარლამენტში ამავე ფრაქციის ხელმძღვანელის ვლადიმირ ჟირინოვსკის განცხადებით, თურქეთის პრეზიდენტმა რეჯეპ ტაიპ ერდოღანმა მას პირადად უთხრა, რომ ანკარა მომავალში ნატოდან გავსლავს გეგმავს.

ამის შესახებ ჟირინოვსკიმ რუსეთის სათათბიროს სხდომაზე განაცხადა, წერს Интерфакс.

ჟირინოვსკი მიიჩნევს, რომ რუსეთის, თურქეთისა და ირანის სახით ფაქტობრივად კავშირია შექმნილი, რომლის არსებობა არის მიზანშეწონილი.

შეგახსენებთ, რომ გასული წლის ნოემბერში ჟირინოვსკი, ფრაქციის წევრებთან ერთად, ანკარაში იმყოფებოდა, და 24 ნოემბერს თურქეთის პრეზიდენტსაც შეხვდა.

მაშინ, პარტიის პრესსამსახურმა განაცხადა, რომ შეხვედრაზე საუბარი რუსეთ-თურქეთის ურთეირთობის გაღრმავებაზე მიდიოდა.

მონიკა დავლიანიძე