მსოფლიო

რეჯეფ ტაიფ ერდოღანმა და ვლადიმერ პუტინმა სირიის კონფლიქტი და ურთიერთთანამშრომლობა განიხილეს

ჰამბურგში „დიდი ოცეულის“ სამიტის ფარგლებში რუსეთისა და თურქეთის პრეზიდენტები შეხვდნენ ერთმანეთს. მათი საუბრის ძირითადი თემები იყო სირიის კონფლიქტი და ურთიერთთანამშრომლობა.

რეჯეფ ტაიფ ერდოღანის განცხადებით, მას „დიდი მოლოდინები“ აქვს, რომ ანკარა მოსკოვთან ერთობლივი ძალებით დაარეგულირებენ სირიის კონფლიქტს. თურქეთის პრეზიდენტის თქმით, თანამშრომლობა უფრო აახლოებს ქვეყნებს.

„დიდი წვლილი შეგვაქვს ორმხრივი ურთიერთობების განვითარებაში და ეს უფრო მტკიცეს ხდის ჩვენს ხალხს შორის კავშირებს“, - განაცხადა ერდოღანმა.

ვლადიმერ პუტინის თქმით კი, ერდოღანის პოლიტიკამ სირიაში არსებული ვითარება უკეთესობისკენ შეცვალა.